Shaheen A win CDR A 2:0

今日場波，贏了。也舒了一口氣......其實大家都知道呢場波好緊要，都好謹慎，早幾日已經不斷提醒大家唔可以掉以輕心......當然啦！CDR A是一隊強隊，仲好記得舊年Knockout Cup輸波情形，況且CDR A與Shaheen A相信是而家最強的兩隊All China Ladies Team，實力自然不容小覷。

一早就到達球場，只是思緒有點亂，精神不大集中。好開心開波前教練帶我們鬼祟地躲在一旁briefing，好耐冇呢種feel啦！有正式的Coach真好！在warm up 不足的情況下比賽已經要開始了......雙方都打得好謹慎，不久June把握到一個機會由左邊中場直帶落底線，由阿Moon機智地拉開defender，June引得Quennie撲出後乖巧地出波，再由Waiwai身"扇"入，Goal!1:0!好流暢！好靚！之後大家都不期然放鬆左少少，對方即時反擊，幸好有驚無險。跟住都到幾個Short Corners，都差少少，直至一球direct，我射入了......都唔算特別興奮，因為射得唔靚，只係好彩^_^結果2:0領先完上半場。

下半場大家都互有攻守，可惜都未能製造入球；難得我有一球intercept到，再由右邊帶上，結果比Elsie"查"喎左，好野，真有你的！下次我一定要過你............終於響哨完場了，同阿Yiu, Karen, Ta, Elsie, 翠怡......握手都好開心呀！這些都是難得的對手！總括講，自己呢場波都打得比較緊張，唔夠放，助攻唔多，Passing撻Q唔夠力，而且下半場都mark得唔夠緊，要好好改善，下次一定要做好d呀。

Next Monday，同幾個呢場對手又變回隊友了，要加油！我地一樣都可以夾到，becos We're a Strong Team!

今日游完水就落左P2睇兩場Interhall, 當然主要係睇何東對Hysan啦！同場加映WLvsDK，受Karen所託，幫手嗌下WL，可惜都係1:1平手，攻勢WL佔左大部份，下半場個波都冇乜點過中場，可惜未能製造入球，冇壞啦，都盡左力，而家聽天由命，Karen放心啦！相信你地出pool應該冇問題。

跟住場就精彩啦......睇住錶，開波打左十分鐘，何東已經轟入三球，1st half完場前五分鐘再入多球，下半場尾段再入多一球埋齋。所以話，只要你地係有實力，根本唔使理人地會唔會打多個。今日完全係技術性擊倒，何東就係要打呢d波喇，唔理對手係邊個，盡全力爭勝，No Reserve，呢d先係何東Style！今日好多Hockey team freshgrad.都有番呀，Rana,Gigi,Melody,Gertie,最爆笑係Rana句:「未完場呀！頂你個肺！」真係好到肉！

我覺得打Interhall唔需要太緊張，太大壓力，但係球証一日未吹雞完場，場波一日未打完，仍然要好謹慎，唔係好喜歡見到warm up時唔專心，顧住睇人地打波、中場時顧住影相，我明白你地唔係有心咁做，但成敗往往取決於誰能堅守到最後(both Mentally & Physically)，亦都希望睇波Hallmates留意，你落得睇波，就梗係想間Hall贏，想自己支持堂友打得好，唔好無意中做左一d野去分散左佢地注意力。有你地支持，何東先會越打越好！

Shaheen A win Bauhinia 3:1

終於打完啦！其實尋晚練完波今日都仲係好，而且晏畫仲去左游水添，所以下半場都冇乜力啦。講番場波，上半場打得好d，比較有壓逼感；下半場就開始放軟左黎打，所以全場四個入球都上半場發生。先係阿Moon，跟住係Waiwai，之後都係Waiwai執我個Short corner 撻Q direct rebound入。但跟住就比Yvonne一個short corner direct 入番一球，可憐我大脾硬食一球Rise ball，呀...都唔知umpire吹乜！絕對唔會怪Yvonne,好似Amo話齋，比人打到係自己唔，反應唔夠快，睇唔準個波囉，冇下次呀，要望實，唔好眨眼呀！第一次用新棍打match，OK呀，都幾順，要keep住用多d。不過到星期一我同阿Yee又會歸隊了, Bauhinia vs HKFC B，其實好想傳波比阿Yiu,CHee, Karen,Ta,Yvonne......一定會好有趣的！YEah,教練都會！

CDR Acoach同埋幾個球員一早就觀戰，準備星期六對我地比賽，可見佢地對呢場比賽係幾咁認真，我地都唔會掉以輕心的，要將打Bauhinia不足之處好好改善，因為CDR A會比Bauhinia更難應付。阿Yiu,CHee,Karen,Ta,Elsie,翠怡,Quennie......睇住啦(哈哈！充滿挑釁性的)

求主保守大家打一場精彩而安全的比賽。

終於等到今日Bauhinia練波啦！好開心！哈哈哈！而且新棍落地，不過仲未係好適應，慢慢黎啦，要同佢培養多d感情先得!

見到阿Yiu雖然遲左都黎，見到佢好開心呀！打Game可以同Karen，阿Ta，Mandy一組，亦都好好玩呀！希望阿Ta個膝頭冇事啦！聽日同星期六都大戰連場呀！感覺上同Teammates熟落了一點，其實大家都好Nice，只係平時大家冇乜機會接觸罷了。亦都好鐘意教練，希望佢唔好介意今晚事啦，撐你呀！真係好多謝你肯落黎教我地，如果真正見過你打波，知道你有幾勁，就會明白可以比你教係幾咁好彩一件事，大家要好好珍惜呀！明日一戰，為Shaheen, 為Bauhinia,大家各盡全力！打一場精彩比賽！我要入波！

今天終於完結了，雖然很累，但能按Schedule完成所有目標，感謝主！

今日去練TEnnis時已經筋疲力盡，所以冇落到場，只在一旁 feed ball，give advice. 但係好開心，因為睇到大家都有進步，其實可能大家都一直在進步中，只係我平時太心急 / 要求太高罷了。星期六在中大跟左郭sir練習後，學到好多野，最重要係重新體會番一個球員感覺。所以今日自己都放鬆左，easy 左；尤其打double時候，睇到Clara有明顯進步，無論底線或者volley，都出乎我意料之外的好；心咀的底線球也開始掌握到，打volley亦好aggressive，可見你地努力係冇白費。而我都好有滿足感 ！其他teammates都要努力呀，一切去達成我地目標！我覺得我越來越喜歡Tennis Team了！

明天又是新的一天，求主保守！